युनिकोड
यही जेठ २१ गते सुरु हुने प्रदेशसभा बैठकमा भाग लिने प्रदेश २ का सांसद, कर्मचारी र सुरक्षाकर्मीको कोरोना परीक्षण सुरु गरिएको छ।
प्रदेशसभाको चौथो अधिवेशन बैठकका लागि प्रदेशसभा भवन परिसरमा बिहीबारदेखि स्वाब संकलन भइरहेको हो।
प्रदेशसभाका सभामुख, उपसभामुख, सांसद, कर्मचारी, मार्यादापालक र सुरक्षाकर्मीलगायत २ सय ५० जना जतिको स्वाब नमुना संकलन भइरहेको प्रदेशसभा सचिवालयका निमित सचिव रञ्जित यादवले जानकारी दिए।
उनका अनुसार उपसभामुख उपमा देवसहित ५० जनाको स्वाब बिहीबार नै संकलन भइसकेको छ। प्रदेश प्रमुख तिलक परियारले संविधानको धारा १८३ को उपधारा १ बमोजिम जेठ २१ गते बुधबार दिउँसो १ बजेका लागि प्रदेशसभाको चौथो अधिवेशन बोलाइएको जानकारी दिए।
प्रतिक्रिया