युनिकोड
नेकपा एमालेका माधव नेपाल पक्षीय सांसदहरुको निवेदन सर्वोच्च अदालतले दर्ता गर्न अस्वीकार गरेको छ।
निर्धारित समयमै अदालत पुगे पनि सांसदहरुको निवेदन दर्ता गर्न अदालतले नमानेको अधिवक्ता टिकाराम भट्टराईले बताए।
राजनीतिक दलसम्बन्धी ऐन विपरीत सांसदबाट पदमुक्त गर्न खोजिएको भन्दै नेपाल पक्षका सांसद सर्वोच्च अदालत पुगेका थिए।
बुधबार दिउँसो ३ बजे ‘राजनीतिक दलसम्बन्धी ऐन विपरित सांसदलाई पदमुक्त गर्न खोजेकोले त्यसलाई रोकिपाऊँ’ भन्ने माग गर्दै नेपाल समूह अदालत पुगेको थियो। तर, अदालतमा कर्मचारीले दर्ता गर्न नमानेका हुन्।
अदालतले निवेदन अध्ययन गर्न समय मागेकाले दर्ता हुन नसकेको भट्टराईले बताए।
'समय पुगेन, अध्ययन गर्दै छौं भनेका छन्', निवेदन दर्ता गर्न गएका अधिवक्ता टिकाराम भट्टराईले नेपालखबरसँग भने, 'फेरि भोली बोलाइएको छ।'
मंगलबार अध्यक्ष ओलीले माधवकुमार नेपालसहित २७ सांसदहरुलाई स्पष्टीकरण सोधेका थिए।
प्रतिक्रिया