राजनीति


काठमाडौंमा एमालेलाई घण्टीको प्रहार, माओवादी ‘क्लिन स्वीप’

कांग्रे‍सले ५ क्षेत्र जितेर फिर्ता लियो आफ्नो शाख
काठमाडौंमा एमालेलाई घण्टीको प्रहार, माओवादी ‘क्लिन स्वीप’

नेपालखबर
मंसिर ८ , काठमाडौँ

काठमाडौंको दशवटै क्षेत्रको नतिजा सार्वजनिक भएको छ।

दशवटै क्षेत्रको नतिजा आउँदा काठमाडौंमा कांग्रेस एउटामा खुम्चिएको छ। काठमाडौं क्षेत्र नम्बर ९ मा जितेर कृष्णगोपाल श्रेष्ठले एमालेको अस्तित्व रक्षा गरेका छन्।

निर्वाचन आयोगले दिएको पछिल्लो विवरणअनुसार दशै क्षेत्रको परिणाम आउँदा कांग्रेसले ५ वटामा जित निकालेको छ भने राष्ट्रिय स्वतन्त्र पार्टीले ४ वटामा झण्डा गाडेको छ।

अघिल्लो चुनाव (२०७४) मा एमालेले जितेको क्षेत्रमध्ये ९ बाहेक सबै गुमाएको छ। कांग्रेसले एमालेबाट अघिल्लो पटक हारेका क्षेत्र फिर्ता लिन सफल भएको छ।

कांग्रेसले क्षेत्र नम्बर १, ३, ४, ५ र १० क्षेत्र जितेको छ। २, ६, ७ र ८ मा रास्वपाले जितेको छ। 

कुन क्षेत्रमा को विजयी?
मत परिणामअनुसार क्षेत्र नं १ मा प्रकाशमान सिंह (नेपाली कांग्रेस), २ मा सोबिता गौतम (रास्वपा), ३ मा सन्तोष चालिसे (नेपाली कांग्रेस), ४ मा गगन थापा (नेपाली कांग्रेस), ५ मा प्रदीप पौडेल (नेपाली कांग्रेस), ६ मा शिशिर खनाल (रास्वपा), ७ मा गणेश पराजुली (रास्वपा), ८ मा विराजभक्त महर्जन (रास्वपा), ९ मा कृष्णगोपाल श्रेष्ठ (नेकपा एमाले) र १० मा राजेन्द्र केसी (नेपाली कांग्रेस) विजयी भएका हुन्। 

काठमाडौंमा एमालेले क्षेत्र नम्बर २, ३, ५, ७ र ८ नम्बर क्षेत्र गुमाएको छ।

२०७४ मा काठमाडौं २ मा एमालेबाट माधवकुमार नेपाल विजयी भएका थिए। त्यस्तै ३ मा २०७४ मा विजयी कृष्णकुमार राई यस पटक पराजित भए।

अर्कातिर क्षेत्र नम्बर ५ मा विजयी एमाले वरिष्ठ उपाध्यक्ष ईश्वर पोखरेल पनि पराजित भएका छन्।

त्यस्तै काठमाडौं ७ मा २०७४ मा एमालेका रामवीर मानन्धर विजयी भएका थिए। उता ८ मा जीवनराम श्रेष्ठ विजयी भएका थिए।

उता ललितपुरमा कांग्रेस, एमाले र रास्वपाले १/१ क्षेत्र बाँडेका छन्। भक्तपुरमा मतगणना जारी छ। 

उपत्यकामा रहेका १५ क्षेत्रमा माओवादी केन्द्र क्लिनस्विप हुने देखिएको छ। अघिल्लो चुनावमा माओवादीले ललितपुर ३ जितेको थियो। 

यसपटक त्यस क्षेत्रमा माओवादी तेस्रो नम्बरमा छ।

मंसिर ७, २०७९, बुधबार

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क

+977 9851081116
[email protected]

जीवन बस्नेत
कार्यकारी निर्देशक
पिनाकी राय
बिजनेश एड्भाइजर
सविन पोखरेल
लेखा तथा प्रशासन प्रमुख
ललिता तामाङ
कार्यालय सहयोगी

नेपालखबर टीम


विशेष संवाददाता
सागर न्यौपाने

उप–सम्पादक
खगेन्द्र गिरी
नवराज रेग्मी
रूपबहादुर विश्वकर्मा
विद्यानाथ अधिकारी

ग्लोबल अफेयर्स संयोजक
सन्तोष घिमिरे

समाचार संयोजक
ज्ञानेन्द्र खड्का

निर्वाचन सम्पादक
जेवी पुन मगर

म्यागेजिन सम्पादक
सीताराम बराल

प्रधान सम्पादक
पूर्ण बस्नेत
Copyright © 2021 Nepalkhabar. All Rights Reserved. Designed byCurves n' Colors. Powered by.