बाजुरा र स्याङ्जाको मतगणना सुचारु गर्न निर्वाचन आयोगले निर्देशन दिएको छ। आयोगले मंसिर ४ गते भएको निर्वाचनलाई सदर गरेको छ।
बुधबार बसेको आयोगको बैठकले बाजुरा र स्याङ्जा–२ को विवादले रोकिएको मतगणना थाल्न निर्वाचन अधिकृतको कार्यालयलाई निर्देशन पठाएको हो।
स्याङजा २ चापाकोट नगरपालिकाका ४ वटा मतदान केन्द्रमा नेपाली कांग्रेसले बुथ कब्जा गरेको भन्दै नेकपा एमाले लगायत केही राजनीतिक दलले पुनः मतदानको माग गरेका थिए।
बुथ कब्जा गरेर मृत्यु भएका र विदेशमा रहेका मतदाताको नाममा पनि मत खसालेको भन्दै सुरु भएको स्याङ्जा–२ को विवाद जिल्लास्तरबाट सुल्झन नसकेर आयोगमा आइपुगेको थियो।
बाजुरामा एमालेले ८ र कांग्रेसले १६ ठाउँमा बुथ कब्जा गरेको एकअर्काको आरोप छ। बाजुराकै बुढीनन्दा–५ मा स्थगित मतदान भने भइसकेको छ।
बाजुरामा पुनः मतदान नहुने, मतगणनाका लागि सर्वदलीय बैठक बस्दै
Shares
प्रतिक्रिया