प्रतिनिधिसभाका १ सय ६४ निर्वाचन क्षेत्रको मतपरिणाम सार्वजनिक भइसकेको छ। दोलखा बाहेक सबै निर्वाचन क्षेत्रको अन्तिम मतपरिणाम सार्वजनिक भइसकेको निर्वाचन आयोगले जनाएको छ।
दोलखामा मतगणना जारी छ। मुख्य निर्वाचन अधिकृतको कार्यालयका अनुसार दोलखामा ३९ हजार ३ सय ७९ मत गणना सम्पन्न भइसकेको छ। अहिलेसम्म १६ सय ७५ मत बदर भएको जनाइएको छ।
जारी मतगणनामा नेकपा (एमाले)का बालकृष्ण शिवाकोटीले अग्रता कायमै राखेका छन् । शिवाकोटीले १७ हजार ५२८ मत पाएका छन्।
उनलाई पछ्याइरहेको नेकपा (माओवादी केन्द्र)का गंगा कार्कीले १५ हजार ७ सय मत ल्याएका छन् ।
कार्कीभन्दा शिवाकोटी १२२८ मतले अगाडि छन्।
177
Shares
प्रतिक्रिया