प्रविधि


३ करोडभन्दा धेरैको गोप्य विवरण भएको लास्टपासको सोर्स कोड चोरी

३ करोडभन्दा धेरैको गोप्य विवरण भएको लास्टपासको सोर्स कोड चोरी

नेपालखबर
भदौ १०, २०७९ शुक्रबार ९:५४, काठमाडौँ

विश्वभरका ३ करोड ३० लाख मानिसले प्रयोग गर्ने पासवर्ड म्यानेजर लास्टपासले हालै मात्र ह्याकरहरुले यसको सोर्स कोड चोरी गरेको बताएको छ।

त्यसका साथै ह्याकरहरुले लास्टपासको प्रणाली पार गरेर केही सूचना पनि चोरेका छन्। 

कम्पनीले भने ह्याकरहरुले कुनै पनि पासवर्ड भने नलिएको बताएको छ।

कम्पनीले प्रयोगकर्ताहरुले पनि आफ्नो विवरणको सुरक्षाको लागि थप कदम चाल्नु आवश्यक नरहेको बताएको छ। बिहीबार एक ब्लगपोस्ट सार्वजनिक गर्दै कम्पनीले ह्याकरहरुले प्रणालीलाई पार गरेर अनधिकृत पहुँचको प्रयास गरेको बताएको हो। 

कम्पनीले अहिले भने प्रणालीलाई पूर्णरुपमा आफ्नो कब्जामा ल्याइएको बताएको छ। कम्पनीले यसबारे विस्तृत जानकारी भने दिएको छैन।

सामाजिक सञ्जालहरुमा भने मानिसहरुले उक्त कम्पनीका प्रणालीमा राखिएको पासवर्डबाट तेस्रो पक्षले आफ्नो खातामा अनधिकृत पहुँच पाउन सक्ने आशंका व्यक्त गरेका छन्। 
 

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क


+977 9851081116
[email protected]
Copyright © 2021 Nepalkhabar. All Rights Reserved. Designed byCurves n' Colors. Powered by .