युनिकोड
जनकपुरधाम विमानस्थलको नवनिर्मित टर्मिनल भवनको भित्रि भागको छानोमा लगाएको सिमेन्ट बोर्ड खस्दा एकजना घाइते भएका छन्।
घाइते हुनेमा गाडी चालक धनुषाको धनौजी गाउँपालिका ५ बअुहर्वाका ३९ वर्षीय उसलेन खान छन्।
शुक्रबार मध्यान्ह यात्रीको प्रतिक्षामा यात्री प्रतिक्षालय कक्षमा बसेको बेला छानोको सिमेन्टबोर्डको एक भाग खानको टाउकोमा खसेको हो।
खानको टाउको फुटेको र गम्भीर चोट लागेको जनाइएको छ। टाउकोमा १५ वटा टाँका लागेको चिकित्सकले जनाएका छन्।
उनको उपचार अहिले जनकपुरधाम स्थित जानकी हेल्थकेयरमा भइरहेको प्रहरीले जनाएको छ।
झण्डै १ वर्ष लगाएर ४२ करोड रुपैयाँ लागतमा निर्माण भएको विमानस्थलको टर्मिनल भवन ८ महिनाअघि २३ मंसिर २०७७ मा सञ्चालनमा आएको थियो। एक वर्ष नबित्दै टर्मिनल भवन भत्किन थालेको छ।
प्रतिक्रिया