आइतबार देशभरका अदालत बन्द गर्ने निर्णय

पूर्वप्रधान न्यायाधीश मोहनप्रसाद शर्माको निधनमा शोक मनाउन भोलि आइतबार एक दिन देशभरका अदालत बन्द गरिने भएको छ। 

आज (शनिबार) सर्वाेच्च अदालतमा बसेको आकस्मिक पूर्ण बैठक (फुलकोर्ट) ले पूर्वप्रधान न्यायाधीश शर्माको निधनमा भोलि माघ ९ गते सर्वाेच्च अदालतसहित देशभरका उच्च अदालत, जिल्ला अदालत, विशेष अदालत एवं अन्य अदालत र न्यायाधीकरण बन्द गर्ने निर्णय गरेको हो।