ad ad

समाज


मनास्लु हिमालको पहिरोमा फसेका दोलखा र संखुवासभाका २ जनालाई काठमाडौं ल्याइयो

मनास्लु हिमालको पहिरोमा फसेका दोलखा र संखुवासभाका २ जनालाई काठमाडौं ल्याइयो

नेपालखबर
असोज १०, २०७९ सोमबार २०:३२, काठमाडौँ

गोरखाको मनास्लु हिमालको हिमपहिरामा पुरिएका दुईजनाको उद्धार गरिएको छ। तेस्रो आधार शिविरमा गएको पहिरोमा परेका दुई जनालाई काठमाडौं पठाइएको गोरखाका प्रहरी प्रमुख एसपी केदार खनालले बताए। 

दोलखाको गौरीशंकर गाउँपालिका ५ का ४४ वर्षीय जितबहादुर शेर्पा र संखुवासभाको मकालु गाउँपालिका १ का २७ वर्षीय सुकबहादुर तामाङलाई हेलिकप्टरमार्फत उद्धार गरेर काठमाडौं ल्याइएको हो। उनीहरुको अहिले काठमाडौंको कपनस्थित करुणा अस्पतालमा उपचार भइरहेको छ।

हिमपहिरोबाट सिम्रिक हेलिकप्टरले समागाउँसम्म र सामागाउँबाट कैलास हेलिकप्टरमार्फत काठमाडौं ल्याइएको हो। 

हिमपहिरोमा परेकाको उद्धार गर्नका लागि तीन वटा हेलिकप्टर परिचालन गरिएको थियो। तर मौसमका कारण समस्या भइरहेको एसपी खनालले बताए। 

पहिरोमा १०/१२ जना बेपत्ता भएको प्रारम्भिक जानकारी आएको प्रहरीले बताएको छ। उनीहरु दोलखा र संखुवासभाका भएको पनि प्रहरीले बताएको छ। 

मनास्लु हिमालको तेस्रो आधार शिविरमा सोमबार बिहान हिमपहिरो गएको थियो।

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क


+977 9851081116
[email protected]
Copyright © 2021 Nepalkhabar. All Rights Reserved. Designed byCurves n' Colors. Powered by .