युनिकोड
सशस्त्र प्रहरी बलले बाराबाट २ किलो युरेनियम जस्तो देखिने पदार्थसहित ३ जनालाइ पक्राउ गरेको छ।
सशस्त्र प्रहरी बल इन्टेलिजेन्स ब्युरोको विशेष सुचनाको आधारमा १२ नम्बर गण बारा मातहत सुरक्षा बेश जितपुरले उनीहरुलाई पक्राउ गरेको हो।
पक्राउ पर्नेमा जितपुर उपमहानगरपालिका–५ का २९ वर्षीय रवि चौधरी, सोही ठाउँका ३० वर्षीय सागर चौधरी र माधबनारायण नगरपालिका–२ रौतहटका २२ वर्षीय बृज सहनी छन्।
उनीहरुलाइ सशस्त्र प्रहरी बलले जितपुरस्थित आदित्य होटलको कोठा नम्बर ४ बाट पक्राउ गरेको हो। पक्राउ परेकाहरुलाई सो पदार्थ सहित थप अनुसन्धानका लागि सम्बन्धित निकायमा बुझाइएको सशस्त्र प्रहरी नायव उपरिक्षक शैलेन्द्र थापाले जानकारी दिए।
प्रतिक्रिया