सेती नदीमा भेटियो साढे दुई महिनादेखि बेपत्ता गुरुङको शव

गत माघ ९ गतेदेखि बेपत्ता भएका पोखराका विश्वबहादुर गुरुङको शव सेती नदीमा भेटिएको छ।

कास्की जिल्ला माछापुच्छ्रे  गाउँपालिका ६  घर भई पोखरा महानगरपालिका १६ लामाचौर बस्ने ४४ गुरुङ्ग माघ ९ गते सेतीमा हाम फालेका थिए। उनको शव भेटिएको थिएन।

मंगलबार पोखरा महानगरपालिका १६ को केआई पुलबाट लामाचौर बस्ने ३१ वर्षीया अल्का गुरुङले केआई सिंह पुलबाट हाम फालेकी थिइन्। अल्काले नदीमा हाम फालेको खबर प्राप्त भएपछि बुधबार नम्बर २४ कालिका  गण मालेपाटन पोखराबाट  सशस्त्रको गोताखोरसहितको टोली उद्वारका लागि गएको थियो। अल्काको खाजीकार्य गर्ने क्रममा अर्को शव भेटिएको सशस्त्रले बताएको छ।

उक्त शव माघदेखि बेपत्ता गुरुङको भएको पुष्टि भएको छ। शव पोष्ट मार्टमको लागि पोखरा स्वास्थ्य विज्ञान प्रतिष्ठानमा लगिएको छ। 

अल्का गुरुङ्गको खोजीकार्य जारी रहेको सशस्त्र प्रहरीले जनाएको छ।