चितवनमा मासु खाँदा घाँटीमा हड्डी अड्किएर तनहुँका एक युवकको मृत्यु भएको छ।
प्रहरीका अनुसार तनहुँ घर भई चितवनको भरतपुर-१९, शारदानगरस्थित काकाको घरमा बस्ने २२ वर्षीय करण सुनारको घाँटीमा हड्डी अड्किँदा मृत्यु भएको हो।
बिहीबार मासु खाने क्रममा घाँटीमा हड्डी अड्किएपछि सुनारलाई स्थानीय सिद्धेश्वर हेल्थ केयर (शारदानगर) मा लगी औषधि खुवाइएको थियो।
तर ठीक नभएपछि उनलाई भरतपुर अस्पताल लगिएकामा उपचारका क्रममा गएराति मृत्यु भएको प्रहरीले जनाएको छ।
पोस्टमार्टमका लागि शव सोही अस्पतालको शव गृहमा राखिएको प्रहरीले जनाएको छ।
192
Shares
प्रतिक्रिया