रुकुम पश्चिम जिल्लाको चौरजहारी नगरपालिका–३ स्थित भेरी नदीमा नुहाउने क्रममा डुबेर बेपत्ता भएका एक जनाको शव सशस्त्र प्रहरीको गोताखोरले आज (वैशाख २ गते) फेला पारेको छ।
जाजरकोट जिल्लाको शिवालय गाउँपालिका–३ सीमा बस्ने २४ वर्षीय कमल बुढा गत चैत ३० गते उक्त नदीमा नुहाउने क्रममा डुबेर बेपत्ता भएका थिए।
घटनाबारे जानकारी पाएपछि सशस्त्र प्रहरी बल नेपाल नं. ६ महेश्वरी बाहिनी मुख्यालय सुर्खेतबाट ४ जना गोताखोर सहित आश्रित गुल्म जाजरकोटबाट १३ जनाको सुरक्षा फौज खोजिकार्यको लागि खटिएको थियो।
गोताखोरले आज दिउँसो २ बजे डुबेको ठाउँबाट अन्दाजी ५० मिटर तलबाट उनको शव बाहिर निकालेको सहप्रवक्ता डीएसपी शैलेन्द्र थापाले बताए।
42
Shares
प्रतिक्रिया