युनिकोड
आज (मंगलबार) राति पनि देशका विभिन्न स्थानमा मध्यमसम्म वर्षा हुने सम्भावना देखिएको छ।
मौसम पूर्वानुमान महाशाखाका अनुसार राति कोसी प्रदेशका केही स्थान तथा देशका बाँकी पहाडी भूभागका थोरै स्थानमा मेघगर्जन/चट्याङसहित हल्कादेखि मध्यमसम्म वर्षा हुने सम्भावना छ।
यसैबीच राति काठमाडौँ उपत्यकामा भने पानी पर्ने सम्भावना १० प्रतिशत मात्र देखिएको महाशाखाले जनाएको छ।
महाशाखाका अनुसार आज राति कोसी, बागमती र गण्डकी प्रदेशका उच्च पहाडी तथा हिमाली भूभागका थोरै स्थान र बाँकी उच्च पहाडी तथा हिमाली भूभागका एक/दुई स्थानमा हल्का हिमपात हुने सम्भावना पनि छ।
मौसमविद्का अनुसार हाल नेपालको पूर्वी क्षेत्रमा रेमल चक्रवातको आंशिक प्रभाव छ भने बाँकी स्थानमा स्थानीय वायुको प्रभाव छ।
प्रतिक्रिया