युनिकोड
ललितपुर महानगरपालिकाका प्रमुख चिरिबाबु महर्जनले महानगरले सम्पदाको संरक्षणलाई पहिलो प्राथमिकतामा राखेको बताएका छन्।
बिहीवार ललितपुरमा तस्बिरमा नगरप्रहरी नामक पुस्तक विमोचन कार्यक्रममा बोल्दै उनले यस्तो बताएका हुन्। उनले ललितपुर महानगरपालिकाले लिएका धेरै नीतिहरूमध्ये सम्पदा क्षेत्रको संरक्षणको नीति प्राथमिकताका साथ अघि बढाएको जिकिर गरे।
उनले सम्पदा संरक्षणमा कुनै सम्झौता नहुने बताए। उनले सम्पदा संरक्षणमा कुनै कमजोरी नगरी महानगरले काम गरिरहेको जिकिर गरे।
ललितपुर महानगर क्षेत्रभित्र रहेको सम्पूर्ण सम्पदाहरूलाई सम्मान गरेर आफूहरू संरक्षणमा जुटेको पनि बताए।
उनले सम्पदाको क्षेत्रमा महानगरले कायापलट हुनेगरी काम गरेको दाबी गरे। रातो मत्स्येन्द्रनाथको प्रचारप्रसारका लागि महानगरले यस वर्ष उल्लेख्य काम गरेको पनि बताए।
उनले भने, ‘ललितपुर महानगरपालिकाले लिएका धेरै नीतिहरूमध्ये एउटा सम्पदा क्षेत्र हो। सम्पदा क्षेत्रमा हामी कुनैपनि किसिमको सम्झौता गर्दैनौँ। कुनै कमजोरी गर्दैनौँ। ललितपुर महानगर क्षेत्रभित्र रहेको सम्पूर्ण सम्पदाहरूलाई सम्मान गर्नुपर्छ, व्यवस्थापन र सुधार गर्नुपर्छ भन्ने लक्ष्य राखेर अघि बढेका छौँ। यो वर्ष सम्पदाको क्षेत्रमा एउटा कायापलट हुने काम गर्यौँ। उदाहरणका लागि रातो मत्स्येन्द्रनाथको जात्रा। यो वर्ष सम्पन्न भयो।’
मेयर महर्जनले महानगरभित्र अवैधानिक रुपमा गर्ने क्रियाकलापहरूलाई बन्द गर्न महानगर प्रहरीले सशक्त भएर काम गर्ने विश्वास लिएको बताए।
प्रतिक्रिया