जाजरकोटमा जिप दुर्घटना, दुई जनाको मृत्यु

जाजरकोटमा जिप दुर्घटना हुँदा दुई जनाको मृत्यु भएको छ। 

भेरी नगरपालिका १० नुवागाउँस्थित सडकमा कार्कीगाउँबाट कुदुतर्फ जाँदै गरेको प्रदेश ३-०१-०२ च ४७१९ नम्बरको बोलेरो जिप सडकबाट करिब ७ सय मिटर तल खसेर बुधबार राति दुर्घटना भएको प्रहरीले जानकारी दिएको छ। 

दुर्घटनामा जिप चालक कैलाली घर भएका २५ वर्षीय मनोज केसी र जिपमा सवार जुम्ला घर भएका २३ वर्षीय मिथुन हमालको मृत्यु भएको छ।

गम्भीर घाइते भएका उनीहरूको जिल्ला अस्पताल जाजरकोटमा उपचारको क्रममा मृत्यु भएको हो। 

दुर्घटनामा घाइते भएका जिपमा सवार १ जनाको नर्सिङ होम नेपालगन्जमा उपचार भइरहको छ।