युनिकोड
नेपाल कम्युनिस्ट पार्टी (नेकपा)का प्रदेश सांसद सत्रुधन महतोले धनुषामा मदिरा सेवनबाट मृत्यु भएका १४ जनाको परिवारलाई राहत प्रदान गरेका छन्।
धनुषाको क्षरेश्वरनाथ नगरपालिका वडा नं. १ र २ मदैयामा घरेलु विषाक्त मदिरा सेवनबाट मृत्यु भएका १४ जनाको परिवारलाई सांसद महतोले नगद १० हजार रुपैयाँको दरले राहत प्रदान गरेका हुन्।
मंगलबार बिहान रमदैया बस्तीमा पीडितहरुको घर घरमै पुगेर सांसद महतोले संवेदना प्रकट गर्दै राहत स्वरुप १० हजार रुपैयाँ नगद प्रदान गरेका हुन्। राहत वितरण गर्न नेकपाकी प्रदेश सांसद शारदा थापा समेत पुगेकी थिइन्।
धनुषामा मदिरा सेवनबाट २१ जनाको मृत्यु भएपछि गएको आइतबार प्रदेशसभा बैठकमा सांसद महतोले प्रदेश २ लाई मदिरा मुक्त बनाउनु पर्ने भन्दै सार्वजनिक महत्वको प्रस्ताव समेत दर्ता गराएका थिए।
प्रतिक्रिया