युनिकोड
बाढी-पहिरोको जोखिम बढेपछि आज पनि देशका विभिन्न चार सडक अवरुद्ध भएका छन्। दुईवटा सडकमा एकतर्फी मात्रै सवारी चलिरहेका प्रहरीले जनाएको छ।
सम्भावित पहिरोको कारण काठमाडौँको सतुंगल-चित्लाङ सडक अहिले अवरुद्ध छ।
काठमाडौँको चन्द्रागिरि नगरपालिका-९ देउरालीमा सडक मर्मत कार्य जारी रहेकाले सतुंगल-चित्लाङ सडक बन्द रहेको हो। यो सडक एक महिना नै बन्द रहने प्रहरीले जनाएको छ।
त्यसैगरी सम्भावित बाढीको जोखिम रहेकाले खुर्कोट-नेपालथोक कटुन्जेबेँसी (बीपी राजमार्ग) भएर चल्ने सवारी साधन सञ्चालनमा रोक लगाइएको प्रहरीले जनाएको छ।
त्यसैगरी मकवानपुरको इन्द्रसरोबर गाउँपालिका- २ र ४ मा पर्ने महालक्ष्मी खोलामा सडक मर्मतको काम चलिरहेकाले कुलेखानी फाखेल सडकखण्ड पनि अहिले अवरुद्ध छ।
त्यसैगरी रोल्पामा पनि पहिरोको कारण सहिद राजमार्ग पूर्णरुपमा अवरुद्ध रहेको प्रहरीले जनाएको छ।
हेर्नुहोस् अवरुद्ध र एकतर्फी सडकको सूची
प्रतिक्रिया