युनिकोड
बल्खुमा मजदुरको हत्या गरेको आशंकामा प्रहरीले चार जनालाई पक्राउ गरेको छ।
बुधबार बिहान साढे १० बजेतिर बल्खुस्थित फलफुल तथा तरकारी बजार भित्र ज्याला मजदुरीको काम गर्ने मकवानपुरको मकवानपुरगढी गाउँपालिका ४ घर भई तरकारी बजार नजिकै बस्ने ४१ वर्षीय रामकृष्ण दाहाल मृत फेला परेका थिए।
उनको हत्यामा संलग्न रहेको आशंकामा प्हरीले अनुसन्धानका लागि चार जनालाई पक्राउ गरेको छ। पक्राउ परेका चारै जनालााई अदालतबााट ५ दिन म्याद लिएर अनुसन्धान सुरु गरेको छ।
उनीहरुलाई कालीमाटी प्रहरी वृत्तको हिरासातमा राखिएको छ।
पक्राउ पर्नेमा मकवानपुरका ४३ वर्षीय नारायण प्रसाद ढकाल, ३२ वर्षका समिर घलान, ४१ वर्षका बिमल रुम्बा र मकवानपुरकै भिमफेदीका ५२ वर्षीय अर्जुन स्याङ्तान रहेका छन्।
तरकारी बजारमा रहेको टहराको माथिल्लो तलाको कोठाको बिस्तरामा मृत अवस्थामा फेला परेका थिए। घटनास्थलमा रगत समेत फेला परेको थियो।
प्रतिक्रिया