युनिकोड
नेपाल पत्रकार महासंघले राजावादीको प्रदर्शनका क्रममा जलाएर हत्या गरिएका पत्रकार सुरेश रजक र प्रेस स्वतन्त्रताबारे सम्पादकहरूसँग छलफल गरेको छ।
छलफल अनलाइनखबर डटकमका सम्पादक वसन्त बस्नेतले राजावादीहरुको आन्दोलन लोकतान्त्रिक र शान्तीपूर्ण ढंगले गरिएको आन्दोलन नभएको भन्दै अहिले पत्रकारहरुमाथि ह्यारेसमेन्ट भइरहेको दाबी गरे।
‘नेपाल पत्रकार महासंघले नेतृत्व गरोस्, हामी साथ दिन तयार छौं,’ उनले भने, ‘अहिले पत्रकारहरुमाथि नै ह्यारेसमेन्ट भइरहेको छ। रिपोर्टिङ गर्न जाँदा हुने जटिलतामा पनि महासंघले विचार गरिदियोस्।’
‘नेपाल पत्रकार महासंघले अभिभावकत्व लिएर सेफ्टी तालिमको व्यवस्था गर्नुपर्छ,’ उनले भने, ‘सुरेश रजकको घटनामा चाँही क्रिमिनल प्रोसिडिङ नै हो भन्ने हाम्रो माग हुनुपर्छ। महासंघले चाहीँ त्यसको छानविन गरेर क्षतिपुर्ति मात्रै माग गर्ने होइन कि त्यो क्राइम नै हो र त्यसको सत्यतथ्य छानविन गरेर दोषिलाई न्यायिक प्रोसेसबाट क्रिमिनलाइज गर्नुपर्छ।’
उनले सम्पादकहरुको सुझाव र सल्लाका आधारमा महासंघ अघि बढ्ने समेत जानकारी दिए।
प्रतिक्रिया