सशस्त्र प्रहरी वलका असई सगरमाथा शिखरमा

सशस्त्र प्रहरी वलका सहायक निरीक्षक (असई) दन्तबहादुर छत्यालले विश्वको सर्वोच्च शिखर सगरमाथाको सफल आरोहण गरेका छन्।

आज बिहान नौ बजेर २० मिनेट जाँदा छत्याल विश्वको सर्वोच्च शिखर सगरमाथाकाे ८ हजार ८ सय ४८ मिटर अग्लो चुचुरोमा पुगेका सशस्त्र प्रहरी बलका सह-प्रवक्ता शैलेन्द्र थापाले जानकारी दिए।

चुचुरोमा पुगेर उनले काठमाडाैँमा जारी ‘सगरमाथा सम्वाद’ र सशस्त्र प्रहरी बलको झण्डा फहराएका सगरमाथा बेश क्याम्पमा रहेका समन्वय अधिकृत सशस्त्र प्रहरी निरीक्षक निर्मल बस्नेत र वङ्दी शेर्पाले जानकारी दिएका छन्।

यसअघि छत्यालले गएको वैशाख २२ गते ६ हजार १ सय १४ मिटर अग्लो लोबुचे हिमालकोसमेत सफल आरोहण गरेका थिए।

‘तराई, पहाड, हिमाल, सीमा सुरक्षामा सशस्त्र प्रहरी बल’ नेपाल भन्ने सन्देशसहित छत्याल ‘सगरमाथा सम्वाद’ र सशस्त्र प्रहरी बल नेपालको झण्डा लिएर सगरमाथा आरोहण लागि वैशाख १५ गते त्यसतर्फ प्रस्थान गरेका थिए।

उनलाई वैशाख १४ गते प्रधानमन्त्री केपी शर्मा ओली र सशस्त्र प्रहरी महानिरीक्षक राजु अर्यालले सगरमाथाको सफल आरोहणको शुभकामनासहित विदाइ गरेका थिए।