युनिकोड
जल तथा मौसम विज्ञान विभागअन्तर्गत बाढी पूर्वानुमान महाशाखाले हरेक दिनझैँ आज (जेठ २५, आइतबार) पनि सम्भावित बाढीबारे जानकारी दिएको छ।
बिहान ८ बजे जारी बुलेटिनअनुसार महाशाखाले आज ८ जिल्लाका खाेला/नदीमा बाढीको जोखिम रहेको आकलन गरेको छ।
सूचनामा भनिएको छ: आज इलाम, पाँचथर, खोटाङ, झापा, मोरङ, सुनसरी, धनकुटा, उदयपुर र आसपासका जिल्ला भई वहने केही ससाना नदीमा बहाब बढ्ने सक्ने पूर्वानुमान रहेकाले नदी तटीय क्षेत्रमा सतर्कता अपनाउनहुन अनुरोध छ।
यस्तै बाढी महाशाखाले आगामी ३ दिन (मंगलबारसम्म) को सम्भावित बाढीबारे पनि जानकारी दिएको छ।
महाशाखाका अनुसार आगामी ३ दिन कोसी, नारायणी, कर्णाली, महाकाली र यसका प्रमुख सहायक नदीहरूका साथै पश्चिम राप्ती र बबई नदीको जलसतह सतर्कता तह तलै रहने पुर्वानुमान भए पनि घटबढ भइरहने देखिएकाले नदी तटीय क्षेत्रका क्रियाकलापमा सामान्य सतर्कता अपनाउन आवश्यक देखिन्छ।
बाढी महाशाखाको बुलेटिनमा अगाडि भनिएको छ: कन्काई, कमला र बागमतीमा बहाब केही हदसम्म बढ्न सक्ने देखिएकाले नदी तटीय क्षेत्रका क्रियाकलापमा सतर्कता अपनाइराखौँ।
बाढीबारे विस्तृत जानकारी तल:
प्रतिक्रिया