मोटरसाइकलको ठक्करबाट ७४ वर्षीय वृद्धको मृत्यु

रूपन्देहीमा मोटरसाइकलको ठक्करबाट ७४ वर्षीय वृद्धको ज्यान गएको छ।

बुटवल उपमहानगरपालिका–११ देवीनगरस्थित सडकमा रंगशाला पथबाट मगरघाटतर्फ जाँदै गरेको लु.३७ प ७३८६ नम्बरको मोटरसाइकलको ठक्करबाट पैदलयात्री सोही ठाउँ बस्ने ७४ वर्षीय किसन श्रेष्ठको मृत्यु भएको हो।

ठक्करबाट गम्भीर घाइते भएका उनको लुम्बिनी प्रादेशिक अस्पताल बुटवलमा उपचारको क्रममा मृत्यु भएको प्रहरीले जनाएको छ।

मोटरसाइकल चालकलाई प्रहरीले नियन्त्रणमा लिएको छ।