जेनजीहरूको प्रदर्शन शान्तिपूर्ण हुने, सबैलाई साथ दिन अपिल

भ्रष्टाचार र बेतिथिविरुद्ध जेनजीले भोलि गर्न लागेको प्रदर्शन शान्तिपूर्ण र मर्यादित हुने भएको छ।

प्रदर्शनको आयोजिकहरुमध्यको एक आम नेपाली युवाले आइतबार एक सूचना जारी गर्दै काठमाडौँको माइतीघर मण्डलासहित देशभरि एकैसाथ ‘भ्रष्टाचारलगायत देशमा व्याप्त सम्पूर्ण बेथिति विरुद्ध’ प्रदर्शन हुने बताएको छ। 

भ्रष्टाचारविरुद्धको संघर्ष केवल युवाहरूको मात्र नभई सम्पूर्ण नेपाली जनताको साझा अभियान भएको भन्दै सहभागिता जनाउन पनि आग्रह गरिएको छ।

प्रदर्शनसम्बन्धी कार्यक्रमबारे विस्तृत जानकारी अर्को विज्ञप्तिबाट सार्वजनिक गरिने समेत बताइएको छ।