आज सबै प्रदेशका उच्च भूभागमा हल्का हिमपातको सम्भावना

आज सबै प्रदेशका पहाडी भूभागमा आंशिक बदलीसँगै हल्का हिमपातकोसमेत  सम्भावना रहेको मौसम पूर्वानुमान महाशाखाले जनाएको छ। 

महाशाखाका अनुसार यतिबेला कर्णाली र सुदूरपश्चिम प्रदेशमा पश्चिमी वायुको आंशिक प्रभाव छ।

आज दिउँसो सबै प्रदेशका पहाडी भूभागमा आंशिक बदली तथा बाँकी भू–भागमा मौसम मुख्यतया सफा रहने अनुमान छ। 

आज सबै प्रदेशका पहाडी तथा हिमाली भूभागका एक-दुई स्थानमा हल्का वर्षा र हिमपातको सम्भावनासमेत रहेको महाशाखाले जनाएको छ।

त्यसैगरी, आज राति सबै प्रदेशका पहाडी भूभागमा आंशिक बदली तथा बाँकी भूभागमा मौसम मुख्यतया सफा रहनेछ। कोसी र गण्डकी प्रदेशका पहाडी तथा हिमाली भागका एकदुई स्थानमा राति हल्का वर्षा  र हिमपातको सम्भावना छ।