आज कहाँ कस्तो होला मौसम

हाल (सोमबार) कोसी प्रदेशसहित पहाडी तथा हिमाली भेगको आकाशमा साधारणतया बादल लागेको छ भने बाँकी स्थानमा आंशिक बादल छ। अनि कर्णाली प्रदेशको पहाडी भूभागका एक-दुई स्थानमा मेघगर्जन/चट्याङ/सहित हल्का वर्षा/हिमपात भइरहेको मौसम महाशाखाले जनाएको छ।

मौसम महाशाखाले आज बिहान ८ बजे जारी गरेको प्रक्षेपणअनुसार आज दिउँसो र राति यस्तो हुनेछ मौसम-

दिउँसो : हिमाली र पहाडी क्षेत्रको आकाशमा साधारणतया बादल लाग्नेछ भने बाँकी स्थानमा आंशिक बादल। अनि पहाडी तथा हिमाली भूभागका केही स्थानमा मेघगर्जन/चट्याङसहित मध्यम वर्षा/हिमपात हुने सम्भावना।

राति : हिमाली क्षेत्रको आकाशमा साधारणतया तथा पहाडी भेगको आकाशमा आंशिक बादल लाग्नेछ भने तराईमा मौसम मुख्यतया सफा रहने छ। अनि कोसी, गण्डकी र कर्णाली प्रदेशका हिमाली भूभागका थोरै स्थान तथा बागमती, लुम्बिनी र सुदूरपश्चिम प्रदेशका हिमाली भूभागका एक-दुई स्थानमा मेघगर्जन/चट्याङसहित हल्का वर्षा/हिमपात हुने सम्भावना छ।