युनिकोड
कर्णाली प्रदेशमा कोरोना संक्रमितको संख्या २ सय ६२ पुगेको छ।
मंगलबार मध्यान्ह १२ बजेसम्म थप २९ जनामा कोरोना संक्रमण पुष्टि भएको सामाजिक विकास मन्त्रालय अन्तर्गतको जनस्वास्थ्य सेवा महाशाखा प्रमुख डा. लक्ष्मीनारायण तिवारीले जानकारी दिएका छन्।
संक्रमितहरु सुर्खेत, सल्यान र अछाम जिल्लाका रहेका छन्।
प्रदेश अस्पताल र पशुपन्छी रोग अन्वेषण प्रयोगशाला सुर्खेतमा सुर्खेतको वरेन्द्रनगर नगरपालिकाका वडा नं. १ का १७, १७, १८, २१, २३, ३०, २३, ५० वर्षीय पुरुष र सोही नगरपालिका वाड नं. ३ का १४, २७, ३३ वर्षीय पुरुषको पीसीआर रिपोर्ट पोजिटिभ आएको हो।
त्यस्तै सल्यानको दार्मा गाउँपालिका–१ का ३९, वडानम्बर २ का ३६ र ४८ वर्षीय पुरुषको पनि पीसीआर रिपोर्ट पोजिटिभ आएको छ भने सोही गाउँपालिका वडानम्बर ३ का ३५ र ३९ वडानम्बर ४ का ३८, ४० र ५० वर्षीय पुरुषमा पनि कोरोना संक्रमण पुष्टि भएको हो।
यस्तै अछामको मंगलसेन नगरपालिका ४ का एक २३ वर्षीय पुरुष र मेल्लेख गाउँपालिका ४ का २२, २४, २७,२९, ३५ र ४० वर्षीय ६ पुरुष, २७ र ३० वर्षका महिलामा कोरोना पुष्टि भएको जनस्वास्थ्य सेवा महाशाखा प्रमुख डा. तिवारीले जानकारी दिए।
प्रतिक्रिया