कलंकीको डिभाइडरमा स्कुटर ठोक्किँदा २१ वर्षीया युवतीको मृत्यु

काठमाडौंको कलंकीमा शुक्रबार राति स्कुटर दुर्घटना हुँदा एक युवतीको मृत्यु भएको छ।

ट्राफिक प्रहरीका अनुसार बा ९० प ५४६७ नम्बरको स्कुटर सडकमा राखिएको डिभाइडरमा ठोक्किएको हो।

दुर्घटनामा स्कुटर चालक मनमैजुकी २१ वर्षीया सञ्जु भुजुको मृत्यु भएको हो।

गम्भीर घाइते अवस्थामा कलंकीस्थित सहिद मेमोरियल अस्पतालमा उपचारका क्रममा उनकाे मृत्यु भएको प्रहरीले जानकारी दिएको छ।