युनिकोड
जनकपुरको एक होटेलभित्र युवती झुन्डिएको अवस्थामा मृत फेला परेकी छन्।
जनकपुरधाम उपमहानगरपालिका-७ स्थित नमस्कार होटल एन्ड गेस्टहाउसको कोठा नम्बर ११३ मा शनिबार साँझ पासो लागेको अवस्थामा युवती मृत फेला परेको धनुषाका प्रहरी नायब उपरीक्षक मकेन्द्र मिश्रले जानकारी दिए।
उनका अनुसार शुक्रबार दिउँसो १ बजे ती युवती एक्लैले कोठा बुक गराएकी थिइन्। उनले होटलमा आफ्नो नाम समीक्षा पोखेरेल पाण्डे तथा ठेगाना महोत्तरीको जलेश्वर नगरपालिका-२ लेखाएकी छन्।
उमेर ३५ वर्ष लेखाएको डीएसपी मिश्रले बताए।
भित्रबाट चुकुल लगाएको र बाहिर झ्यालबाट हेर्दा पासो लागेर मृत्यु भएको देखेपछि होटल सञ्चालकले प्रहरीलाई खबर गरेका थिए। घटनाबारे अनुसन्धन भइरहेको डीएसपी मिश्रले बताए।
प्रतिक्रिया