युनिकोड
भारतको महाराष्ट्र राज्यमा पर्ने नासिकस्थित डाक्टर जाकिर हुसैन अस्पतालमा बुधबार एक्कासि अक्सिजन आपूर्ति बन्द हुँदा मृत्यु भएका २२ जनाका परिवारलाई त्यहाँको राज्य सरकारले जनही ५ लाख रुपैयाँ (भारु) राहत दिने घोषणा गरेको छ।
भारतीय सञ्चारमाध्यमका अनुसार महाराष्ट्र राज्यका मुख्यमन्त्री उद्धव ठाकरे नेतृत्वको सरकारले घटनाको गम्भीर ढुंगले अनुसन्धान गर्न आदेश दिनाका साथै मृतकका परिवारलाई ५ लाख रुपैयाँका दरले राहत दिने घोषणा गरेको हो।
बुधबार जाकिर हुसैन अस्पतालको ट्यांकरमा अक्सिजन लिक (चुहावट) भएको थियो। त्यस क्रममा अक्सिजन आपूर्ति बन्द गर्दा भेन्टिलेटरमा रहेका २२ बिरामीले अक्सिजन पाएनन् र मृत्यु भयो।
अक्सिजन झन्डै आधा घण्टासम्म अक्सिजन अवरुद्ध भएको थियो।
प्रतिक्रिया