आफ्नै वडा कार्यालयमा ललितपुर महानगरले चलायो डोजर [तस्बिरहरू]

ललितपुर महानगरपालिकाले डोजर प्रयोग गरेर महानगरपालिका–५ स्थित लगनखेलको 'न्हुँ पुखु'को पूर्वपट्टीका टहराहरु भत्काउन थालेको छ।  महानगरले न्हुँ पोखरी संरक्षण र पुनर्निमार्णका लागि वडा नम्बर ५ को वडा कार्यालयसहित अस्थायी तथा अनधिकृत संरचनामा सोमबार बिहान डोजर चलाएको हो। 

महानगरप्रमुख चिरिबाबु महर्जनको उपस्थितिमा उक्त संरचनाहरू भत्काइएको हो। 

ललितपुरको लगनखेलस्थित जिल्ला अदालत अगाडि रहेको वडा कार्यालय र नजिकका १६ वटा सटर डोजर लगाएर भत्काएको छ। भवन र सटरहरु हटाएपछि ऐतिहासिक साँस्कृतिक सम्पदा न्हुँ पुखु अब सडकबाटै देखिन्छ। 

महानगरले लगनखेलमा रहेको नमूना मच्छिन्द्र विद्यालयले अतिक्रमण गरेको भवनसमेत भत्काएर सप्तपाताल पोखरी निर्माण सुरु गरेको छ।