सागमा पदक जित्ने खेलाडीको नगर परिक्रमा सुरु

१३औं दक्षिण एसियाली खेलकुद प्रतियोगिता (साग)मा पदक विजेता नेपाली खेलाडीको नगर परिक्रमा सुरु भएको छ।

त्रिपुरेश्वरमा रहेको राष्ट्रिय खेलकुद परिषद परिसरबाट सागमा पदक जित्ने खेलाडीको सम्मानस्वरुप परिक्रमा सुरु गरिएको हो।

राखेपले बिहान ११ बजे नगर परिक्रमा गराउने भने पनि खराब मौसमका कारण १ बजेदेखि नगर परिक्रमा सुरु भएको छ।

त्रिपुरेश्वरस्थित राखेपको परिसरबाट सुरु गरिएको नगर परिक्रमा न्युरोड, इन्द्रचोक, मखन, भोटाहिटी, रत्नपार्क, भृकुटीमण्डप, भद्रकाली, सिंहदरबार, थापाथली, पुल्चोक, जावलाखेल, लगनखेल, सातदोबाटो, कोटेश्वर, जडीबुटी, नयाँ थिमी, सल्लाघारी, सुर्यविनायक चोकमा पुग्नेछ। सूर्यविनायक चोटबाट टोली पुनः सल्लाघारी, नयाँ थिमी, जडिबुटी, कोटेश्वर, तीनकुने, नयाँ बानेश्वर, थापाथली हुँदै राखेप प्राङ्गणमा आएर टुङ्गिनेछ।