युनिकोड
केपी ओली कप फुटबल प्रतियोगिताको उद्घाटन खेलमा नेपाल पुलिस क्लब र सातदोबाटो युथ क्लब भिड्ने भएका छन्।
आयोजक केपी ओली फुटबल क्लबले आइतबार काठमाडौमा पत्रकार सम्मेलन गर्दै सार्वजनिक गरेको खेल तालिका अनुसार आगामी फागुन ११ गते पुलिस क्लब र सातदोबाटो भिड्ने भएका हुन्।
प्रतियोगिताको दोस्रो दिन दुई खेल हुनेछ। प्रतियोगिताको दोस्रो दिन पहिलो खेलमा त्रिभुवन आर्मी फुटबल क्लब र एनआरटी भिड्नेछन्।
सो खेल बिहान ११ः०० बजे हुनेछ। सोही दिन मछिन्द्र फुटबल क्लब र चर्च ब्वाइज युनाइटेड खेल्नेछन्। सो खेल दिउँसो ३ बजे हुनेछ।
फागुन १३ गते केपी ओली एफसी र जावलाखेल खेल्नेछन्। १४ गते प्रतियोगिताको पहिलो सेमिफाइनलमा सातदोबाटो र पुलिसबीचको खेलको विजेता तथा आमी र एनआरटीको विजेता भिड्नेछन्।
दोस्रो सेमिफाइनलमा चर्च ब्वाइज र मछिन्द्रको विजेता टोली तथा केपी ओी एफसी र जावलाखेलको विजेता भिड्नेछन्। फाइनल खेल फागुन १७ गते दशरथ रंगशालामा हुनेछ।
प्रतियोगिताको सर्वोत्कृष्ट खेलाडीले १ लाख रुपैयाँ प्राप्त गर्नेछन्।
विभागततर्फ उदियमान खेलाडी, सर्वाधिक गोलकर्ता, र उत्कृष्ट गोलरक्षकले समान ५० हजार रुपैयाँ पाउनेछन्। हरेक खेलको म्यान अफ दी म्याचले १५ हजार प्राप्त गर्नेछन्।
प्रतियोगिताको उपाधि विजेताले १० लाख तथा उपविजेताले ५ लाख रुपैयाँ पाउनेछन्। हरेक खेलको विजेताले २५ हजार रुपैयाँ पाउनेछ।
प्रतिक्रिया