सहिद स्मारक ए डिभिजन लिग फुटबल अन्तर्गत सोमबार सम्पन्न खेलमा साविक विजेता मनाङ मर्स्याङ्दी क्लब र मछिन्द्र क्लबबीचको खेल रोमाञ्चक २-२ को बराबरीमा सकिएको छ।
खेलको दोस्रो मिनेटमा नै मनाङले अग्रता लिएको थियो। अन्जन विष्टको क्रसमा आडेवुमी फेमीले हेडिङ गोल गरे। दोस्रो हाफको सुरुवातमै सुजल श्रेष्ठले गाेल गर्दै खेललाई १-१ गाेलकाे बराबरीमा ल्याए।
८१औं मिनेटमा एडिलाजा साेमिडेले गाेल गर्दै मछिन्द्रलाई २-१ काे अग्रता दिलाए। खेल सकिँन २ मिनेट बाँकी रहँदा विमल रानाले गाेल गर्दै खेललाई २-२ गाेलकाे बराबरीमा ल्याए।
प्रतिक्रिया