युनिकोड
वाफ महिला च्याम्पियनसिपको आफ्नो दोस्रो खेलमा नेपालले आज बिहीबार इराकसँग खेल्दै छ।
किङ अब्दुल्लाह स्पोर्टस् सिटीमा हुने खेल राति पौने ८ बजे सुरु हुनेछ।
पहिलो खेलमा सिरियालाई ४–१ ले पराजित गरेको नेपाल लगातार दोस्रो जित निकाल्ने योजनामा छ।
नेपालले आजको खेलमा जित निकाले सेमिफाइनल यात्रा पक्का गर्नेछ।
उता इराक पनि बलियो प्रतिद्धन्दीलाई हराउँदै पहिलो जितको स्वाद लिन चाहन्छ।
समुह बी मा ३ अंक भएको नेपाल अंक तालिकाको शीर्ष स्थानमा छ। समान अंक भएको प्यालेस्टाइन ३ अंकमा नै दोस्रो स्थानमा छ।
अंकविहीन सिरिया र इराक तालिकाको पुछारमा छन्। आजै हुने समुह चरणको दोस्रो खेलमा प्यालेस्टाइन र सिरिया भिड्नेछन्।
प्रतिक्रिया