युनिकोड
बंगलादेशका क्रिकेटर शकिब अल हसनले शेख हसिना सरकारविरुद्ध राष्ट्रव्यापी विरोध प्रदर्शनका क्रममा मौन बसेकामा बिनासर्त माफी मागेका छन्।
शकिब अल हसनले माफी मागेपछि उनले बंगलादेशमा अन्तिम टेस्ट खेल्ने पक्का हुन सक्छ। यो खेल दक्षिण अफ्रिकासँग हुनेछ।
शकिब अल हसनले फेसबुकमा लेखेका छन्- सबैभन्दा पहिले बलिदान दिने सबै विद्यार्थीलाई म श्रद्धाञ्जली अर्पण गर्न चाहन्छु। म भेदभावविरोधी आन्दोलनको नेतृत्व गर्दा सहिद भएकाहरूलाई पनि श्रद्धाञ्जली दिन चाहन्छु।
बंगलादेशमा विद्यार्थी आन्दोलनलाई समर्थन नगरेकामा शकिब अल हसनको निकै आलोचना भएको थियो।
टेस्ट सिरिज खेल्न भर्खरै भारत आएका हसनले अहिलेसम्म ७१ टेस्ट खेल खेलिसकेका छन्। उनले सुरक्षा उपलब्ध गराएमा बंगलादेशमा अन्तिम टेस्ट खेल्न चाहेको बताएका थिए।
अक्टोबर २१ मा मिरपुरमा दक्षिण अफ्रिकाविरुद्ध हुने टेस्ट उनको अन्तिम टेस्ट खेल हुनसक्छ।
चिटगाउँमा दोस्रो टेस्ट हुँदै छ। तर पहिलो टेस्ट खेलेर उनी अमेरिका जाने अनुमान गरिएको छ।
शकिब अल हसन आफ्नी श्रीमती र तीन छोराछोरीसँग अमेरिकामै बस्छन्।
प्रतिक्रिया