युनिकोड
आईसीसी टी–२० विश्वकप एसिया इस्ट प्यासिफिक छनोटअन्तर्गत समुुह चरणको दोस्रो खेलमा नेपालविरुद्ध जापानले ब्याटिङ गरिरहेको छ।
ओमानको एल एमिरेट क्रिकेट मैदानमा नेपालले टस जितेर फिल्डिङ रोजेपछि जापानले पहिले ब्याटिङ गरेको हो।
दशौँ ओभर सकिँदा जापानले १ विकेट क्षतिमा ७० रन कटाइसकेको छ।
नेपाली बलरहरुले हालसम्म १ विकेट मात्रै झारेका छन्। अभिषेक आनन्दलाई दीपेन्द्र सिंह ऐरीले रनआउट गरेका हुन्।
जापानका केन्डेल कादोवाकी फ्लेमिङ र इसाम रहमान क्रिजमा छन्। केन्डेलले ३७ बलमा ४६ रन बनाउँदा इसामले १६ रन बनाएका छन्।
बलिङतर्फ सन्दीप लामिछानेले २ ओभरमा सर्वाधिक २० रन दिइसकेका छन्। यसबाहेक राजवंशीले १ ओभरमै १३ रन खर्चिएका छन्। ऐरीले ३ ओभरमा १५ रन दिएका छन् भने सोमपाल कामीले २ ओभरमा ८ रन र नन्दन यादवले २ ओभरमा १३ रन दिएका छन्।
यसअघि नै सुपर सिक्समा पुगिसकेका नेपाल र जापान आजको खेलमा जित निकाल्दै समुह विजेता बन्ने लक्ष्यमा छन्।
प्रतिक्रिया