युनिकोड
नेपाली राष्ट्रिय क्रिकेट टोलीले घरेलु मैदानमा इंग्ल्यान्डको राष्ट्रिय टोलीसँग टी-२० आई सिरिज खेल्ने भएको छ।
सन् २०२७–३१ को अन्तर्राष्ट्रिय साइकलअन्तर्गत नेपाल र इंग्ल्यान्डबीच टी-२० आई सिरिज हुने भएको हो। नेपाल र इंग्ल्यान्डबीचको सिरिज कीर्तिपुरस्थित त्रिवि क्रिकेट मैदानमा हुनेछ। इंग्ल्यान्डको टोली कहिले नेपाल आउने भन्ने मिति निश्चित भने भइसकेको छैन।
नेपाल र इंग्ल्यान्डबीचको पहिलो भेट आईसीसी टी-२० विश्वकपमा भेट भएको थियो। मुम्बइको वानखेडे स्टेडियममा समूह चरणमा भएको भेटमा नेपाल ४ रनले पराजित भएको थियो।
इंग्ल्यान्डको टोली नेपालमा आए अहिलेसम्मको सबैभन्दा ठूलो टोलीको नेपाल भ्रमण हुनेछ। विश्वकपअघि नेपाली टोलीले यूएईमा वेस्ट इन्डिजलाई हराउँदै ऐतिहासिक सिरिज जितेको थियो।
प्रतिक्रिया