थानकोट–चित्लाङ सडकखण्डमा कार दुर्घटना, चार जनाको मृत्यु

गणेशमान सिंह मार्ग (थानकोट)मा सवारी दुर्घटना हुँदा चार जनाको मृत्यु भएको छ। दिउँसो करिब २ बजे भएको कार दुर्घटनामा चार जनाको मृत्यु भएको पुष्टि भएको प्रहरीले जनाएको छ।

दुई जना घाइते भएका छन्। मृत्यु हुनेमा दुई पुरुष एक महिला र एक बच्चा रहेको प्रहरीले जनाएको छ।

एक बच्चा गम्भीर घाइते भएको उनको उपचारका लागि काठमाडौँ पठाइएको प्रहरीले जनाएको छ। सवारी साधन  प्रदेश ३–०१०२३ च ६९८५ नम्बरको प्राइभेट कार रहेको प्रहरीले जनाएको छ।

घटनास्थलमा प्रहरी वृत्त थानकोटका डीएसपी नारायण प्रसाद अधिकारी नेतृत्वको टोली उद्धारमा खटिएको छ।

प्रहरीका अनुसार दुर्घटनाको विस्तृत विवरण संकलनको कार्य जारी रहेको प्रहरीले बताएको छ।