२५ लाख मूल्यको औषधि बोकेको कारसहित भारतीय नागरिक पक्राउ

भारतबाट अवैध रूपमा ल्याइएको औषधिसहित सशस्त्र प्रहरीले एक जनालाई पक्राउ गरेको छ।

मंगलबार साँझ धनुषाको जनकपुर उपमहानगरपालिका १२ बर्हबिगहाबाट करिब २५ लाख २० हजार रुपैयाँ बराबरको डेन्टलको औषधी
बोकेको कारसहित भारत घर बताउने २९ वर्षीय मो ईक्वाललाई नियन्त्रणमा लिइएको हो।

ती व्यक्तिले बीआर ३२ एक्यू १२०२ नम्बरको कारमा औषधी राखी भारतबाट नेपालतर्फ ल्याउँदै गरेका थिए। उनलाई राजश्व भन्सार सुरक्षा बेस 

जनकपुरधामले नियन्त्रणमा लिएको हो।

‍बरामद औषधी तथा कारसहित उनलाई आवश्यक कारवाहीका लागि राजश्व भन्सार कार्यालय जनकपुरधाम धनुषामा बुझाइएको प्रहरीले बताएको छ।