युनिकोड
पोखराको फुलबारीस्थित मणिपाल शिक्षण अस्पताल बिक्री भएको छ।
बतास अर्गनाइजेसन र अटोवेज समूहले उक्त अस्पताल क्रमशः ६० र ४० प्रतिशत लगानी रहने गरी खरिद गरेका हुन्।
नौ सय शय्या बेड क्षमता रहेको शिक्षण अस्पताल ३ अर्ब २२ करोड ६० लाख रुपैयाँमा खरिदबिक्री भएको हो।
उक्त अस्पताल यसअघि भारतीय लगानीकर्ता समूहको स्वामित्वमा थियो। १० रोपनी जग्गा र भवन रहेको अस्पतालसँग अरु ३० रोपना जग्गा समेत छ।
यो अस्पतालले नेपाल मेडिकल काउन्सिलबाट हरेक वर्षमा १ सय जनाको एमबीबीएस अध्यापनको अनुमति पाएको छ।
खरिद प्रक्रिया पूरा भएपछि अस्पतालको सञ्चालक समितिमा ४ जना रहने सहमति भएको छ।
अस्पतालमा बतास समूहका अध्यक्ष आनन्दराज बतास अध्यक्ष तथा अटोवेज ग्रुपका अध्यक्ष नारायण पौडेल उपाध्यक्ष रहनेछन् भने बतास समूहका प्रबन्धनिर्देशक शान्तराज बतास र निर्देशकमा विपेन्द्रराज बतास बोर्ड सदस्यका रुपमा रहने बताइएको छ।
प्रतिक्रिया