सुनको भाउ बढ्यो

बुधबार नेपाली बजारमा सुनको भाउमा समान्य वृद्धि देखिएको छ ।

नेपाल सुनचाँदी व्यवसायी महासंघका अनुसार मंगलबारको तुलनामा सुनको भाउ प्रतितोला चार सय रुपैयाँले बढेको हो । 

यससँगै छापावाल सुनको भाउ प्रतितोला ९२ हजार ७०० रुपैयाँ पुगेको छ भने तेजावी सुनको भाउ प्रतितोला ९२ हजार २०० पुगेको छ । 

चाँदीको भाउ भने बुधबार स्थिर देखिएको छ। बुधबार चाँदी प्रतितोला १२५० रुपैयाँमा कारोबार भइरहेको छ ।