युनिकोड
राकुटेन भाइबरले विश्वव्यापी रूपमा दुई प्रमुख सुरुवातहरू घोषणा गरेको छ।
कम्पनीले बिजनेस इनबक्स र खोजी गर्न मिल्ने कमर्सियल एकाउन्ट सुरु गरेको हो।
कम्पनीले प्रयोगकर्ता र व्यवसाय दुवैलाई ध्यानमा राखेर भाइबरका अपडेटहरू अझ राम्रो ग्राहक अनुभव र ब्राण्ड संलग्नता प्रदान गर्ने दिशामा कदम चालेको जनाएको छ।
यस सुविधाले आधिकारिक ब्राण्ड एकाउन्टहरूबाट सबै बिजनेस मेसेजहरूलाई एक फोल्डरमा भण्डारण र व्यवस्थित गर्न अनुमति दिने (जस्तै बैंक सूचना, डेलिभरी सेवाबाट अर्डर पुष्टि, स्टोरबाट विशेष अफर, आदि) जनाएको छ।
प्रयोगकर्ताले आफ्नो पहिलो बिजनेस मेसेज प्राप्त गरेपछि बिजनेस इनबक्स सक्रिय हुनेछ।विगतमा व्यवसायहरूसँग कुराकानी गरेका प्रयोगकर्ताहरूका लागि, सुविधा जारी भएपछि व्यवसायहरूसँगका सबै च्याटहरू स्वचालित रूपमा व्यापार बिजनेस इनबक्समामा सर्नेछन्।
बिजनेस इनबक्स फोल्डर च्याट सूचीमा सिर्जना भएपछि, सबै बिजनेस मेसेजहरू पूर्वनिर्धारित रूपमा त्यहाँ जानेछन्। बिजनेस इनबक्सले प्रयोगकर्ताहरूलाई आफ्नो भाइबर अनुभवलाई कस्टमाइज गर्न र ब्राण्डहरूसँगको अन्तरक्रियालाई सुविधाजनक तरिकाले व्यवस्थित गर्न दिने कम्पनीको भनाइ छ।
प्रतिक्रिया