नेपाल राष्ट्र बैंकका कार्यकारी निर्देशक रेवती नेपालले लघुवित्तका ऋणीले दुई संस्थाभन्दा बढी बाट ऋण लिन नपाउने व्यवस्था मिलाउने बताएका छन्।
नेपाल आर्थिक पत्रकार समाज (सेजन)ले आयोजना गरेको 'संकटमा लघुवित्त : कारण र समाधान' शीर्षकको राउण्डटेबल कार्यक्रममा लघुवित्तका ऋणी एवम् विभिन्न सरोकारवालाहरुसँग बोल्दै उनले सो कुरा बताएका हुन् ।
उनले एक जना व्यक्ति धेरै लघुवित्तको ग्राहक बन्ने र सबै संस्थाबाट ऋण लिने बढेसँगै नेपाल राष्ट्र बैंकले धेरै संस्थाबाट ऋण लिन नपाउने व्यवस्था गर्न लागेको बताए ।
पछिल्लो समय एक जना ऋणीले १० संस्थाबाट ऋण लिएको भेटिएको नेपालले बताए ।
‘पछिल्लो समय लघुवित्तमा डुप्लिकेसनको समस्या करिब ७० प्रतिशत हाराहारीमा देखिएको छ,’ उनले भने, ‘एक जनाले धेरै संस्थाबाट ऋण लिने र साँवा र कर्जा भुक्तानी गर्न नसक्ने अवस्था आयो ।’
साथै, केही लघुवित्त चाँडै नाफा कमाउने होडमा समेत होमिएको नेपालले बताए।
Shares
प्रतिक्रिया