नेपाल एयरलाइन्सले तिर्‍यो असारको किस्ता

नेपाल एयरलाइन्सले न्यारोबडी र वाइडबडीको ऋण वापतको किस्ता तिरेको छ।

असार महिना वापतको ८३ करोड ९ लाख रुपैयाँ किस्ता कर्मचारी सञ्चय कोष र नागरिक लगानी कोषलाई तिरेको हो। 

कोभिड माहामारीको समयमा नियमित किस्ता तिर्न नसकेको निगमले पछिल्लो समय नियमित भुक्तानी गरिरहेको छ। गत असारदेखी चैतसम्म निगमले २ अर्ब ९४ करोड रुपैयाँ किस्ता भुक्तानी गरेको थियो। 

निगमले नियमित र आकस्मिक हुने जहाज मर्मत सम्भार खर्च र प्रशासनिक खर्च ब्यहोरेर नगद प्रवाहमा सुधार हुँदै गएको जनाएको छ। 

आम्दानीमा सुधार हुँदै गएपछि निगमले दुर्गम स्थलमा उडान गर्ने नयाँ ३ जहाज खरिद गर्ने प्रक्रिया अघि बढाएको छ।