युनिकोड
भारतबाट नेपाल आएको विस्तारा एयरलाइन्सको एक जहाजमा बमको हल्लापछि नेपालको राजधानी काठमाडौंमा सुरक्षाकर्मीले आवश्यक जाँच गरिरहेका छन्।
नेपाल आउने विमानमा बमको हल्लाको सूचना पछिल्लो समयको यो पहिलो हो।
केही दिनयता भारतीय कम्पनीका विमानहरुमा बमको हल्लाको आतंक नै मच्चिएको छ।
टाइम्स अफ इन्डियाका अनुसार मंगलबार मात्रै भारतमा झण्डै ५० उडानमा बमको हल्ला फैलिएको छ। पछिल्लो समय फरक फरक कम्पनीका जहाजमा बम रहेका सूचना फैलिइरहेको समाचारमा जनाइएको छ।
मंगलबार इन्डिगोका १० उडानमा यस्तो चेतावनी दिइएको थियो। तीमध्ये कम्तीमा तीन उडान डाइभर्ट नै गर्नुपरेको बताइएको छ।
यता एयर इन्डियाका विमानमा पनि सोमबारदेखि मंगलबार रातिसम्म १० उडानमा बमको डर देखाइएको छ।
प्रतिक्रिया