कुमारी बैंकको कार्ड प्रयोग गरी सामान किन्दा १० प्रतिशत छुट

कुमारी बैंक लिमिटेडले दराजमार्फत बिगमार्टमा खाद्यान्नलगायत अत्यावश्यक दैनिक उपभोग्य सामग्रीको खरिदमा १० प्रतिशतसम्मको आकर्षक छुट दिएको छ।

बैंकले कोरोना महामारीले निम्त्याएको देशव्यापी लकडाउनको परिस्थिति र भौतिक बजारहरु पहुँचमा नभएको परिवेशलाई ध्यानमा राखी उक्त छुट अफर दिएको हो।

सो सहमतिपश्चात् कुमारी बैंकका डेबिट÷क्रेडिट कार्डवाहकहरुले बिगमार्टबाट दराजमार्फत आफूलाई चाहिने अत्यावश्यक दैनिक उपभोग्य वस्तुहरु झन्झटविना आफ्नै घरदैलोमा प्राप्त गर्न सक्नेछन्।

लकडाउनमा पनि बैंकले ग्राहकहरुलाई देशव्यापी सक्रिय एटीएम, डिजिटल/अनलाइन बैंकिङ सेवालगायत नगद काउन्टर, रेमिट्यान्स लगायत एलसी, ग्यारेन्टी सुविधाहरू उपलब्ध गराउँदै आएको छ।