काठमाडौँ महानगरको बजेट पारित

काठमाडौँ महानगरको बजेट पारित भएको छ।  असार २९ गते पेस भएको आगामी आर्थिक वर्ष ०८२/०८३ को बजेट महानगरको १७ औँ नगरसभाको दोस्रो बैठकले २५ अर्ब ७६ करोड ४३ लाख ४१ हजार रुपैयाँ‍को बजेट पास गरेको हो।  

२९ असारमा बसेको १७ औं नगरसभाको पहिलो बैठकमा उपप्रमुख सुनिता डंगोलले बजेट पेस गरेकी थिइन्। २५ अर्ब ११ करोड ४३ लाख ४१ हजार रुपैयाँ संचित कोषमा व्ययभार पर्ने र ६५ करोड रुपैयाँ अन्य बाह्य व्ययभार हुनेगरी सो रकमको अनुमानित बजेट सार्वजनिक भएको थियो।