युनिकोड
नेपाल उद्योग वाणिज्य महासंघको आसन्न निर्वाचनको सरागर्मी बढ्दै जादा एशोसिएट्सतर्फ ज्योत्सना श्रेष्ठको टीम बलियो बन्न पुगेको छ ।
महासंघको एशोसिएट्सर्फको निर्वाचन उपाध्यक्षकी उम्मेदवार ज्योत्सना समूहमा महासंघका अध्यक्ष चन्द्रप्रसाद ढकालका छोरा सचिन ढकालको प्रवेशसँगै थप बलियो र सशक्त बन्न पुगेको हो।
सचिन ढकाल ज्योत्सना श्रेष्ठ समूहबाट केन्द्रीय कार्यकारिणी सदस्यमा चुनाव उठेका हुन्।
ढकालको प्रवेशले यो समूह थप सशक्त बन्न पुगेको छ।
ढकाल वरिष्ठ उपाध्यक्ष हुँदा पनि उनले सबैभन्दा बढी एशोसिएट्सतर्फकै मत पाएका थिए ।
आफूले सबै क्षेत्रलाई ममावेश गरी टीम निर्माण गरेको र पूरै टिमको जित सुनिश्चित रहेको उपाध्यक्षका उम्मेदवार श्रेष्ठले दाबी गरिन्।
अहिले पनि महासंघको एशोसिएट्सतर्फकै उपाध्यक्ष रहेकी श्रेष्ठले अहिलेको कार्यकालमा व्यवसायी मैत्री नीति निर्माणमा आफूले धेरै काम गरेको र अझै नीतिगत पैरवी र व्यवसायी मैत्री वातावरण निर्माणका लागि काम गर्न बाँकी रहेकाले आफू पुनः सोही पदमा दोहोरिएको उनले जानकारी दिइन्।
‘हामीले सबै क्षेत्रको प्रतिनिधित्व हुनेगरी एशोसिएट्तर्फको सदस्य पदमा उम्मेदवारहरु छनौट गरेका छौं,’ उनले भनिन्, ‘तसर्थ हाम्रो समुहलाई मदतान गरी जिताउन हुन सम्पूर्ण मतदाताहरुमा हार्दिक अनुरोध गर्दछु ।’
उपाध्यक्ष श्रेष्ठको समूहबाट सदस्यहरूमा अविनास बोहोरा, अम्बिका शर्मा लामिछाने, गोपाल खनाल, चन्द्र ढकाल, जमुना पौडेल, जश श्रेष्ठ, देशबन्धु बस्नेत (अजित), ई. विनोद ढकाल, बटु लामिछाने, बलराम सापकोटा, भरत रानाभाट, राम राजा श्रेष्ठ, डा. रामशरण थपलिया, राजकुमार तिमलसिना, शैलेन्द्र गुरागाइ, सुनिलनारायण श्रेष्ठ, सचिन ढकाल, सोभा ज्ञवाली, सन्दिप अग्रवाल (माखरिया), चुनावी मैदानमा छन् ।
प्रतिक्रिया