युनिकोड
एक पटकटको चार्जमा ४२० किलोमिटर गुड्ने बीवाईडीको गाडी शनिबार नेपालमा लञ्च हुँदै छ।
बीवाईडीको आधिकारिक बिक्रेता साइमेक्स इंकले अट्टो ३ शनिबार ‘ग्रान्ड लञ्च’ गर्न लागेको हो।
असोज ६ गतेदेखि भृकुटीमण्डपमा भएको ईभी एक्स्पोमा गाडी सार्वजनिक गर्ने तयारी गरे पनि उत्तरी नाका बन्द हुँदा गाडी सार्वजनिकमा ढिलाइ भएको कम्पनीले जनाएको छ।
नेपालमा राष्ट्रपति चढेर चर्चामा आएको बीवाईडीको ई ६ मोडल बढी विक्री भएको छ। कम्पनीले नयाँ मोडलको रुपमा बढी रेञ्ज दिने अट्टो ३ सार्वजनिक गर्दै छ।
गाडीमा २ वटा ब्याट्री अप्सन छ। ६०.४८ किलोवाट आवर ब्याट्री छ। जसले एक पटकको चार्जमा ४२० किलोमिटर हुन्छ।
अट्टो ३ को अर्को मोडल ५० किलोवाट आवर ब्याट्री रहेको गाडी सार्वजनिक गरिएको छ। जसले एकपटकको चार्जमा ३४५ किलोमिटर रहेको छ।
गाडीमा २ वटा चार्जिङ अप्सन छ। ७ किलोवाट एसी चार्जर र ८० किलोवाट डिसी फास्ट चार्जर रहेका छन्। ७ किलोवाटको एसी चार्जरबाट फुल चार्ज हुन १० घण्टा लाग्छ। ८० किलोवाटको डिसी फास्ट चार्जरबाट ८० प्रतिशतसम्म चार्ज ४५ मिनेटमा हुन्छ।
अट्टो ३ मा १५० किलोवाटको मोटर रहेको गाडीले ७.३ सेकेन्डमा १०० किलोमिटर प्रतिघण्टा कुद्न सक्छ। २०४ पीएस पावर र ३१० एनएम टर्क जेनेरेट गर्छ। बीवाईडीको ब्लेड ब्याट्री चर्चित छ।
१२.८ इन्च टचस्क्रिन रहेको गाडीमा एन्ड्रोइन अटो र एप्पल कार प्ले, पाँच इन्च डिजिटल उपकरण, वायरलेस फोन चार्जर, अटोमेटिक क्लाईमेट कन्ट्रोल, प्यानारोमिक सनरुफ, की लेस इन्ट्री लगायतका फिचर्स रहेका छन्।
विद्युतीय एसयुभी अट्टो ३ मा ४४० लिटर बुट स्पेस रहेको छ। ग्राउन्ड किलियरेन्स १७५ एमएम रहेको छ। गाडीमा ८ वर्षको वा ५ लाख किमि वारेन्टी दिएको छ।
सेफ्टी फिचर्समा ७ एयरब्याग, एबीएससँगै ईविडी, इलेक्ट्रिोनिक्स स्टेबिलिटी प्रोगाम, एडभान्स ड्राइभर एसिस्टेन्स सिस्टम, हिल डेसेन्ट कन्ट्रोल, टायर प्रेसर मोनिटरिङ सिस्टम, ३६० डिग्री क्यामेरा रहेका छन्। युरो एनक्यापले गरेको सेफ्टी रेटिङमा ५ स्टार पाएको छ।
गाडीको लम्बाइ ४ हजार ४५५, चौडाइ १ हजार ८७५, उचाइ १ हजार ६१५, ह्विल बेस २ हजार ७२० एमएम छ। नेपालमा ५ वटा कलरमा अट्टो ३ उपलब्ध हुने कम्पनीले जनाएको छ।
बीवाईडीले ई ६ बिक्रीवितरण भइरहेको छ। बीवाईडीले ५९ लाख रुपैयाँमा विक्री वितरण गर्दै आएको छ। बीवाईडीले काठमाडौं उपत्यकासहित देशका विभिन्न ठाउँमा चार्जिङ स्टेसन समेत निर्माण गरिरहेको छ।
प्रतिक्रिया